НОУ "КВАНТ"

Навуковае таварыства навучэнцаў утварылася ў 2007 годзе. Яго станаўленне было працяглым і да сучаснага выгляду яно прыйшло не адразу. Тым не менш, навуковае таварыства заўсёды аб’ядноўвала таленавітых, адораных вучняў, якія цікавяцца навукай і знаходзяцца ў пастаянным творчым пошуку. Слоганам нашага таварыства з’яўляецца дэвіз: “Думай! Даследуй! Стварай!” Імкненне да навуковага погляду на навакольны свет з’яўляецца адметнай рысай членаў таварыства, якія на працягу шэрагу гадоў паспяхова выступаюць на алімпіядах, турнірах і конкурсах даследчага характару рознага ўзроўню.

Таварыства складаецца з трох аддзяленняў: прыродазнаўча-матэматычнага, грамадска-гуманітарнага і аддзялення пачатковых класаў. На працягу навучальнага года ўдзельнікі таварыства працуць над выбранай тэмай даследавання, асвойваюць метады работы з інфармацыяй, выказваюць гіпотэзы, праводзяць эксперыменты. Кіруюць гэтым працэсам вопытныя настаўнікі, і трэба адзначыць, што праца навуковага таварыства не была б эфектыўнай без захопленых, творча працуючых педагогаў.

У распрацаваных праектах члены журы пастаянна адзначаюць практычную скіраванасць, актуальнасць выбраных тэм, станоўчыя вынікі даследавання, аналіз і абагульненне матэрыялу, лагічнасць і паслядоўнасць выкладання, вялікую колькасць прапрацаваных крыніц для напісання работ даследчага характару. У выніку шматлікія работы адзначаны дыпломамі на раённых і абласных этапах даследчых конкурсаў.

СПАСЫЛКА

СПАСЫЛКА

СПАСЫЛКА

СПАСЫЛКА

Аналіз работы

навуковага таварыства вучняў “Квант”

за 2022/2023 навучальны год

Навуковае таварыства ажыццяўляла сваю дзейнасць у адпаведнасці са статутам. Кіраўнік таварыства курыраваў гэту дзейнасць. Работа вялася ў трох секцыях: прыродазнаўча-матэматычнай, грамадска-гуманітарнай і секцыі пачатковай школы. На пачатку навучальнага года былі вызначаны вучні для работы ў таварыстве, абраны імі тэмы даследчых работ. Псіхалагічную дыягностыку з вучнямі правяла школьны псіхолаг Бяльковіч А.М., а на бібліятэчным уроку члены таварыства вучыліся працаваць з каталогам, навуковай літаратурай, пісаць навуковыя рэфераты. На працягу года кіраўнік таварыства Малашэвіч У.Л. праводзіў з вучнямі кансультацыі па пытаннях даследчай дзейнасці, па спосабах яе афармлення і абароны даследчай работы. Настаўнікі-філолагі на занятках па рыторыцы развівалі прамоўніцкія ўменні вучняў.

На раённы этап былі прадстаўлены наступныя работы.

1). “Петля Мёбиуса, или о чём нам расскажет пластик”, вучэбны прадмет “Біялогія”, вучаніца 10 класа Бяльковіч Лізавета, кіраўнік Шышла Т. В. (Дыплом раённага конкурсу работ даследчага характару, работа прапанавана для ўдзелу ў абласным конкурсе работ даследчага характару);

2) “Мнагаступенчатая ракета”, вучэбны прадмет “Фізіка”, вучні 9 класа Валько Вячаслаў і Татаржын Вікторыя, кіраўнік Малашэвіч У.Л. (Дыплом раённага конкурсу работ даследчага характару, работа прапанавана для ўдзелу ў абласным конкурсе работ даследчага характару);

3) “Магия чисел”, вучэбны прадмет “Матэматыка”, вучань 6 класа Сакалоўскі Іван, Малашэвіч У.Л. (Пахвальны ліст раённага конкурсу работ даследчага характару).

4). “Жыві, крынічанька, жыві!”, вучэбны прадмет “Чалавек і свет”, вучаніца 4 класа Дзядзела Аліна, кіраўнік Навуменка Г.І. (Сертыфікат  раённага фестывалю работ даследчага характару “Я даследчык”).

5) “Тайны школьнага акварыума”, вучэбны прадмет “Чалавек і свет”, вучаніца 4 класа Язневіч Марыіта, кіраўнік Навуменка Г.І. (Сертыфікат  раённага фестывалю работ даследчага характару “Я даследчык”).

6) “Сакрэты калыханкі”, вучэбны прадмет “Чалавек і свет”, вучаніца 3 класа Цымбал Дарына, кіраўнік Седая І.К. (Сертыфікат фестывалю работ даследчага характару “Я даследчык” ).

Нягледзечы на тое, што мінулы год быў даволі паспяховым па выніковасці дзейнасці таварыства, трэба адзначыць, што адбылося скарачэнне яго складу. Таму ў бягучым годзе неабходна пашырыць і колькасць навучэнцаў, якія будуць удзельнічаць у правядзенні даследаванняў, і тэматыку даследаванняў.

31.05.2023

Кіраўнік навуковага

таварыства вучняў “Квант”                                      У.Л. Малашэвіч

СПАСЫЛКА

СПАСЫЛКА

СПАСЫЛКА 1

СПАСЫЛКА 2

“Квант” даследуе, вынаходзіць, творыць

У цяперашні час, час імклівага развіцця новых тэхналогій, рэзка ўзраслі запатрабаванні грамадства ў людзях, якія валодаюць нестандартным мысленнем, якія ўмеюць ставіць і вырашаць новыя задачы. Школьная адукацыя аператыўна  рэагуе на  гэтыя змяненні і дае вучням не толькі трывалыя веды, але  і актыўна выхоўвае ў іх імкненне да творчасці, жаданне і ўменне праводзіць уласныя даследаванні і рабіць свае, няхай яшчэ невялікія, адкрыцці.

 У нашай школе пастаянна знаходзілася дастаткова здольных і неабыякавых вучняў, якія паспяхова баранілі гонар школы на алімпіядах і навукова-практычных канферэнцыях рознага ўзроўню, таму лагічным працягам стала стварэнне ў рамках дзяржаўнай праграмы “Молодые таланты Беларуси” ў 2007 годзе Навуковага таварыства вучняў “Квант”. Навуковае таварыства аб’яднала вучняў Даўгінаўскай СШ, якія зацікаўлены ў павышэнні свайго інтэлектуальнага ўзроўню, імкнуцца да паглыблення ведаў па асобных прадметах і правядзення навуковага пошуку.  Актыўна падтрымала і заахвоціла дзейнасць таварыства новы намеснік дырэктара па вучэбнай рабоце Зубель Т. Ф. Пры ўступленні ў НТВ (навуковае таварыства вучняў) улічваюцца рэкамендацыі школьнага псіхолага Яноўскай Н. М., прапановы настаўнікаў-прадметнікаў, а самае галоўнае, – жаданне саміх вучняў. У цяперашні час у школе працуюць два аддзяленні: прыродазнаўча-матэматычнае і грамадска-гуманітарнае. Двое вучняў нашай школы прымаюць удзел у рабоце раённага навуковага таварыства, якое функцыянуе пры Вілейскім інтэлектуальна-адукацыйным цэнтры. На працягу вучэбнага года ўдзельнікі таварыства працуць над выбранай тэмай даследавання, асвойваюць метады работы з інфармацыяй, выказваюць гіпотэзы, праводзяць эксперыменты. Кіруюць гэтым працэсам вопытныя настаўнікі. І трэба адзначыць, што праца НТВ не была б эфектыўнай без захопленых, творча працуючых педагогаў – С. І. Ляпуновай, Н. П. Пташнік, І. С. Сяліцкай, В. В. Малашэвіч, В. Я. Ляшковіч, М. Т. Асаенка.  Вынікам становяцца навуковыя работы, якія абараняюцца спачатку на школьнай канферэнцыі, а лепшыя работы – на  раённай канферэнцыі.

Сёлета НТВ “Квант” прыняло ўдзел у раённай навукова-практычнай канферэнцыі школьнікаў з работамі “Вывучэнне экраннага эфекту” па фізіцы (аўтары Зяновіч Павел і Анішкевіч Вадзім), “Рашэнне матэматычных задач з выкарыстаннем розных сістэм лічэння” па матэматыцы (аўтары Малашэвіч Надзея і Ляшковіч Кацярына),  “Ономастика. Значение антропонимов” па рускай мове (аўтары Манулік Анастасія, Асаенка Ганна, Леберт Вольга). Работы па фізіцы і рускай мове былі адзначаны ганаровымі лістамі.

У новым навучальным годзе НТВ “Квант” расшырылася за кошт далучэння вучняў пачатковых класаў. Таварыства развіваецца, ставіць новыя задачы і глядзіць з аптымізмам наперад.

Кіраўнік навуковага таварыства вучняў

 “Квант” Даўгінаўскай АСШ

У. Л. Малашэвіч

На здымку: удзельнікі школьнай навукова-практычнай канферэнцыі

Фота аўтара.

Літаратура

1. Статут Навуковага таварыства вучняў
2. Работа научного общества учащихся Интеллектуал НАРОДНАЯ АСВЕТА 6'2006

СПАСЫЛКА 1

СПАСЫЛКА 2

СПАСЫЛКА

СПАСЫЛКА